ຄູ່ມືການນໍາໃຊ້ເວັບໄຊ

ມາດຕາ 1 ຈຸດປະສົງ

ຈຸດປະສົງຂອງຂໍ້ກໍານົດ ແລະ ເງື່ອນໄຂເຫຼົ່ານີ້ ແມ່ນເພື່ອກໍານົດສິດ, ພັນທະ ແລະ ຄວາມຮັບຜິດຊອບຂອງຜູ້ໃຊ້ໃນການນໍາໃຊ້ການບໍລິການທີ່ກ່ຽວຂ້ອງກັບອິນເຕີເນັດ (ຕໍ່ໄປນີ້ເອີ້ນວ່າ "ການບໍລິການ") ຫຼັກສູດອິນເຕີເນັດ (ຕໍ່ໄປນີ້ເອີ້ນວ່າ "ເວັບໄຊ") ໃຫ້ບໍລິການໂດຍສູນ KIT Center (ຕໍ່ໄປນີ້ເອີ້ນວ່າ "ບໍລິສັດ").

ມາດຕາ 2 ຄໍານິຍາມ

1. "ເວັບໄຊ" ໝາຍເຖິງສູນຝຶກອົບຮົມສະເໝືອນທີ່ສ້າງຂຶ້ນໂດຍ "ບໍລິສັດ" ເພື່ອເຮັດໃຫ້ຜູ້ໃຊ້ສາມາດຮຽນຮູ້ພາສາຕ່າງປະເທດໂດຍໃຊ້ອຸປະກອນ ຂໍ້ມູນຂ່າວສານ ແລະ ການສື່ສານ ເຊັ່ນ: ຄອມພິວເຕີ ເພື່ອສະໜອງ "ການບໍລິການ" ໃຫ້ກັບຜູ້ໃຊ້ ແລະ ຍັງໝາຍເຖິງຜູ້ດຳເນີນທຸລະກິດຜ່ານເວັບໄຊ.
2. "ຜູ້ໃຊ້" ໝາຍເຖິງສະມາຊິກ ແລະ ຜູ້ທີ່ບໍ່ແມ່ນສະມາຊິກທີ່ເຂົ້າເຖິງ "ເວັບໄຊ" ແລະ ຮັບການບໍລິການທີ່ສະໜອງໃຫ້ໂດຍ "ເວັບໄຊ" ຕາມຂໍ້ກຳນົດ ແລະ ເງື່ອນໄຂເຫຼົ່ານີ້.
3. 'ສະມາຊິກ' ໝາຍເຖິງບຸກຄົນທີ່ລົງທະບຽນເປັນສະມາຊິກຂອງ "ເວັບໄຊ" ແລະ ສາມາດນຳໃຊ້ການບໍລິການທີ່ສະໜອງໃຫ້ໂດຍ "ເວັບໄຊ" ຢ່າງຕໍ່ເນື່ອງ.
4. 'ບໍ່ເປັນສະມາຊິກ' ໝາຍເຖິງຜູ້ທີ່ໃຊ້ບໍລິການທີ່ສະໜອງໂດຍ "ເວັບໄຊ" ໂດຍທີ່ບໍ່ລົງທະບຽນເປັນສະມາຊິກ.

ມາດຕາ 3 ການກໍານົດ, ຄໍາອະທິບາຍ ແລະ ການປັບປຸງຂໍ້ກໍານົດ ແລະ ເງື່ອນໄຂ ແລະ ອື່ນໆ.

1. "ເວັບໄຊ" ຈະປະກາດເນື້ອໃນຂອງຂໍ້ກໍານົດ ແລະ ເງື່ອນໄຂຕ່າງໆເຊັ່ນ: ຊື່ບໍລິສັດ, ຊື່ຕົວແທນ, ທີ່ຢູ່ທຸລະກິດ(ລວມທັງທີ່ຢູ່ຂອງສະຖານທີ່ທີ່ສາມາດຈັດການກັບຄໍາຮ້ອງທຸກຂອງຜູ້ບໍລິໂພກ), ເບີໂທລະສັບ, ແລະ ອື່ນໆໃນຫນ້າຈໍການບໍລິການເບື້ອງຕົ້ນຂອງ "ເວັບໄຊ" ເພື່ອໃຫ້ຜູ້ໃຊ້ສາມາດເຫັນໄດ້ງ່າຍ. ຢ່າງໃດກໍ່ຕາມ, ເນື້ອໃນຂອງຂໍ້ກໍານົດ ແລະ ເງື່ອນໄຂ ຜູ້ໃຊ້ສາມາດເບິ່ງໄດ້ທີ່ຊ່ອງສອບຖາມຂໍ້ມູນເພີ່ມເຕີມ.
2. ກ່ອນທີ່ຜູ້ໃຊ້ຈະຕົກລົງກ່ຽວກັບຂໍ້ກໍານົດ ແລະ ເງື່ອນໄຂ "ເວັບໄຊ" ຕ້ອງໄດ້ຮັບການຢືນຢັນຈາກຜູ້ໃຊ້ ໂດຍການແຈ້ງໃຫ້ຮູ້ຢູ່ຫນ້າຈໍແຍກຕ່າງຫາກ ເພື່ອໃຫ້ຜູ້ໃຊ້ສາມາດເຂົ້າໃຈເນື້ອໃນທີ່ສໍາຄັນທີ່ກໍານົດໄວ້ໃນຂໍ້ກໍານົດ ແລະ ເງື່ອນໄຂໄດ້.
3. "ເວັບໄຊ" ອາດຈະປັບປຸງຂໍ້ກໍານົດ ແລະ ເງື່ອນໄຂເຫຼົ່ານີ້ໃນຂອບເຂດທີ່ບໍ່ລະເມີດກົດຫມາຍທີ່ກ່ຽວຂ້ອງ.
4. ເມື່ອ "ເວັບໄຊ" ມີການປັບປຸງຂໍ້ກຳນົດ ແລະ ເງື່ອນໄຂ, ວັນທີຂອງການສະໝັກ ແລະ ເຫດຜົນຂອງການແກ້ໄຂຈະຖືກລະບຸ ແລະ ແຈ້ງເຕືອນໃນໜ້າຫຼັກຂອງເວັບໄຊ ພ້ອມກັບຂໍ້ກຳນົດ ແລະ ເງື່ອນໄຂປັດຈຸບັນ ຕັ້ງແຕ່ 7 ວັນກ່ອນການສະໝັກຈົນຮອດ ມື້ຫຼັງຈາກວັນທີ່ສະໝັກ. ຢ່າງໃດກໍຕາມ, ຖ້າມີການປ່ຽນແປງຂໍ້ກໍານົດ ແລະ ເງື່ອນໄຂທີ່ເປັນອັນຕະລາຍຕໍ່ຜູ້ໃຊ້, ຈະມີການແຈ້ງເຕືອນລ່ວງໜ້າຢ່າງຫນ້ອຍ 30 ວັນ. ໃນກໍລະນີນີ້, "ເວັບໄຊ" ຈະປຽບທຽບເນື້ອໃນກ່ອນ ແລະ ຫຼັງຈາກການດັດແກ້ ຢ່າງຊັດເຈນ ແລະ ຈະສະແດງໃຫ້ ຜູ້ໃຊ້ສາມາດເຂົ້າໃຈໄດ້ງ່າຍ.
5. ຖ້າ "ເວັບໄຊ" ປັບປຸງຂໍ້ກໍານົດ ແລະ ເງື່ອນໄຂ, ຂໍ້ກໍານົດ ແລະ ເງື່ອນໄຂ ທີ່ປັບປຸງໃຫມ່ຈະໃຊ້ກັບສັນຍາຫຼັງຈາກວັນທີ່ສະຫມັກ, ແລະ ຂໍ້ກໍານົດ ແລະ ເງື່ອນໄຂຂອງສັນຍາກ່ອນທີ່ຈະປັບປຸງໃຫມ່ຍັງຄົງໃຊ້ໄດ້ກັບສັນຍາທີ່ມີຢູ່.
6. ບັນຫາອື່ນທີ່ບໍ່ໄດ້ລະບຸໄວ້ໃນຂໍ້ກໍານົດ ແລະ ເງື່ອນໄຂເຫຼົ່ານີ້ ແລະ ການຕີຄວາມຫມາຍຂອງຂໍ້ກໍານົດ ແລະ ເງື່ອນໄຂເຫຼົ່ານີ້ ຈະຖືກພິຈາລະນາຄວບຄຸມໂດຍໃຊ້ກົດຫມາຍ ແລະ ກົດລະບຽບທີ່ກ່ຽວຂ້ອງ ຫຼື ການປະຕິບັດທາງການຄ້າ.

ມາດຕາ 4 ການສະໜອງ ແລະ ການປ່ຽນແປງການບໍລິການ

1. "ເວັບໄຊ" ປະຕິບັດໜ້າວຽກຕໍ່ໄປນີ້.
   1. ສະຫນອງວິດີໂອສຳລັບການຮຽນອອນໄລນ໌ ແລະ ການສະຫລຸບຂອງສັນຍາການຊື້
   2. ສະຫນອງ "ການບໍລິການ" ຕາມທີ່ລະບຸໃນສັນຍາການຊື້
   3. ວຽກອື່ນໆທີ່ກຳນົດໂດຍ "ເວັບໄຊ"
2. "ເວັບໄຊ" ອາດຈະມີການປ່ຽນແປງເນື້ອໃນຂອງ "ການບໍລິການ" ທິີ່ຈະສະຫນອງໃຫ້ພາຍໃຕ້ສັນຍາ ໃນກໍລະນີມີການປ່ຽນແປງສະເພາະດ້ານວິຊາການ, ແລະ ອື່ນໆ. ໃນກໍລະນີນີ້, ເນື້ອໃນຂອງ "ການບໍລິການ" ມີການປ່ຽນແປງ ແລະ ວັນທີຂອງການສະຫນອງຈະຖືກລະບຸ ແລະ ແຈ້ງເຕືອນທັນທີໃນໜ້າຕ່າງ "ບໍລິການ".
3. ຖ້າເນື້ອໃນຂອງ "ການບໍລິການ" ທີ່ "ເວັບໄຊ" ໄດ້ລົງນາມໃນຂໍ້ຕົກລົງກັບຜູ້ໃຊ້ເພື່ອສະໜອງນັ້ນ ຖືກປ່ຽນແປງຍ້ອນເຫດຜົນເຊັ່ນ: ການປ່ຽນແປງສະເພາະດ້ານເຕັກນິກ, ເຫດຜົນຈະຖືກແຈ້ງໃຫ້ຜູ້ໃຊ້ຮູ້ທັນທີທາງອີເມວ.
4. ໃນກໍລະນີຂອງຂໍ້ກ່ອນຫນ້ານີ້, "ເວັບໄຊ" ຈະມີການຊົດເຊີຍສໍາລັບຄວາມເສຍຫາຍທີ່ຜູ້ໃຊ້ໄດ້ຮັບ. ຢ່າງໃດກໍຕາມ, ຫາກວ່າ "ເວັບໄຊ" ພິສູດໄດ້ວ່າບໍ່ແມ່ນເຈດຕະນາ ຫຼື ບໍ່ມີຄວາມຕັ້ງໃຈລະເລີຍ ກໍລະນີການຊົດເຊີຍຈະບໍ່ສາມາດນຳມາອ້າງໄດ້.

ມາດຕາ 5 ການລະງັບການບໍລິການ

1. "ເວັບໄຊ" ອາດຈະຢຸດເຊົາການໃຫ້ບໍລິການຊົ່ວຄາວ ໃນກໍລະນີທີ່ມີການປິດປັບປຸງ, ການກວດສອບ, ການທົດແທນ ຫຼື ການຖືກທໍາລາຍອຸປະກອນການສື່ສານ ເຊັ່ນ: ຄອມພິວເຕີ, ຫຼື ການຂັດຂວາງການສື່ສານ.
2. ເວັບໄຊຈະຊົດເຊີຍ ຄວາມເສຍຫາຍທີ່ຜູ້ໃຊ້ຫລືບຸກຄົນທີ3 ທີ່ຖືກລະງັບການໃຊ້ບໍລິການຊົ່ວຄາວ ເນື່ອງຈາກເຫດຜົນຕາມຂໍ້ທີ1. ຢ່າງໃດກໍຕາມ, ຫາກວ່າ "ເວັບໄຊ" ພິສູດໄດ້ວ່າບໍ່ແມ່ນເຈດຕະນາ ຫຼື ບໍ່ມີຄວາມຕັ້ງໃຈລະເລີຍ ກໍລະນີການຊົດເຊີຍຈະບໍ່ສາມາດນຳມາອ້າງໄດ້.

ມາດຕາ 6 ການລົງທະບຽນສະມາຊິກ

1. ຜູ້ທີ່ຈະສະໝັກເປັນສະມາຊິກຕ້ອງຕື່ມຂໍ້ມູນຕາມແບບຟອມການລົງທະບຽນທີ່ "ເວັບໄຊ" ກຳນົດໄວ້ ແລະ ຫຼັງຈາກນັ້ນໃຫ້ຕົກລົງເຫັນດີກັບເງື່ອນໄຂທີ່ໄດ້ບອກໄວ້.
2. "ເວັບໄຊ" ຈະໃຫ້ຜູ້ໃຊ້ລົງທະບຽນເຂົ້າເປັນສະມາຊິກຕາມທີ່ໄດ້ອະທິບາຍໄວ້ໃນວັກທີ 1 ເວັ້ນເສຍແຕ່ວ່າຜູ້ໃຊ້ຈະຢູ່ໃນກໍລະນີດັ່ງຕໍ່ໄປນີ້.
   1. ຖ້າມີຂໍ້ມູນທີ່ບໍ່ຖືກຕ້ອງ, ການລະເວັ້ນ, ຫຼື ຂໍ້ມູນການລົງທະບຽນມີຂໍ້ຜິດພາດ.
   2. ຖ້າຫາກມີການຕັດສິນວ່າການລົງທະບຽນເປັນສະມາຊິກອື່ນຈະເປັນໄພຕໍ່ "ເວັບໄຊ".
3. ຖ້າຂໍ້ມູນທີ່ໄດ້ລົງທະບຽນໄວ້ມີການປ່ຽນແປງ ສະມາຊິກຕ້ອງແຈ້ງ "ເວັບໄຊທ໌" ກ່ຽວກັບການປ່ຽນແປງພາຍໃນໄລຍະເວລາທີ່ເຫມາະສົມໂດຍຜ່ານວິທີການເຊັ່ນ: ການແກ້ໄຂຂໍ້ມູນສະມາຊິກ.
4. ສັນຍາການເປັນສະມາຊິກຈະຖືກສ້້້້້້້້້າງຂຶ້ນເມື່ອຜ່ານການອະນຸມັດຈາກ "ເວັບໄຊ".
5. ຖ້າຂໍ້ມູນທີ່ໄດ້ລົງທະບຽນໄວ້ມີການປ່ຽນແປງ ສະມາຊິກຕ້ອງແຈ້ງ "ເວັບໄຊທ໌" ກ່ຽວກັບການປ່ຽນແປງພາຍໃນໄລຍະເວລາທີ່ເຫມາະສົມໂດຍຜ່ານວິທີການເຊັ່ນ: ການແກ້ໄຂຂໍ້ມູນສະມາຊິກ.

ມາດຕາ 7 ການຖອນສະຖານະສະມາຊິກ, ການສູນເສຍຄຸນສົມບັດ, ແລະ ອື່ນໆ.

1. ສະມາຊິກສາມາດຂໍຖອນຕົວອອກຈາກ "ເວັບໄຊ" ໄດ້ທຸກເວລາ, ແລະ "ເວັບໄຊ" ຈະດໍາເນີນການຖອນສະມາຊິກທັນທີ.
2. "ເວັບໄຊ" ອາດຈະຈຳກັດ ຫຼື ໂຈະການເປັນສະມາຊິກ ຖ້າສະມາຊິກຕົກຢູ່ໃນກໍລະນີດັ່ງຕໍ່ໄປນີ້
   1. ຖ້າຂໍ້ມູນໃນການລົງທະບຽນບໍ່ຖືກຕ້ອງ
   2. ການຄຸກຄາມທາງອີຄອມເມີຊ ເຊັ່ນ: ການແຊກແຊງການນໍາໃຊ້ "ເວັບໄຊ"ຂອງຄົນອື່ນ ຫຼື ມີການລັກຂໍ້ມູນ.
   3. ເມື່ອໃຊ້ "ເວັບໄຊ" ເພື່ອປະຕິບັດການກະທໍາທີ່ລະເມີດກົດຫມາຍ ຫຼື ຂໍ້ກໍານົດ ແລະ ເງື່ອນໄຂ ຫຼື ຂັດກັບຫຼັກສິນທໍາ.
3. ຖ້າມີການກະທຳທີ່ລະເມີດ ແບບດຽວກັນນັ້ນຖືກເຮັດຊ້ຳຫຼາຍກວ່າສອງເທື່ອ ແລະ ບໍ່ໄດ້ຮັບການແກ້ໄຂພາຍໃນ 30 ວັນຫຼັງຈາກ "ເວັບໄຊ" ຈຳກັດ ຫຼື ໂຈະການເປັນສະມາຊິກ, "ເວັບໄຊ" ອາດຈະຖອນການເປັນສະມາຊິກ.
4. ຖ້າ "ເວັບໄຊ" ຖອນສະມາຊິກ, ການລົງທະບຽນຈະຖືກຍົກເລີກ. ໃນກໍລະນີນີ້, ສະມາຊິກຈະໄດ້ຮັບການແຈ້ງເຕືອນ ແລະ "ເວັບໄຊ" ໃຫ້ໂອກາດອະທິບາຍພາຍໃນໄລຍະເວລາ 30 ວັນກ່ອນທີ່ຈະຍົກເລີກການລົງທະບຽນສະມາຊິກ.

ມາດຕາ 8 ແຈ້ງການເຖິງສະມາຊິກ

1. "ເວັບໄຊ" ສາມາດແຈ້ງສະມາຊິກຜ່ານທີ່ຢູ່ອີເມວທີ່ສະມາຊິກກໍານົດລ່ວງຫນ້າໄດ້ ໂດຍການຕົກລົງກັບ "ເວັບໄຊ" .
2. ໃນກໍລະນີຂອງການແຈ້ງການເຖິງສະມາຊິກທີ່ບໍ່ລະບຸຈໍານວນ, "ເວັບໄຊ" ຈະ ບໍ່ແຈ້ງເປັນສ່ວນບຸກຄົນ ແຕ່ຈະປະກາດຢູ່ໃນກະດານຂ່າວ "ເວັບໄຊ" ເປັນເວລາຫຼາຍກວ່າຫນຶ່ງອາທິດ. ຢ່າງໃດກໍ່ຕາມ, ການແຈ້ງເຕືອນສ່ວນບຸກຄົນຈະໃຊ້ສໍາລັບເລື່ອງທີ່ມີຜົນກະທົບຕໍ່ການເຮັດທຸລະກໍາຂອງສະມາຊິກ.

ມາດຕາ 9 ການລົງທະບຽນການຊື້

1. ຜູ້ໃຊ້ລົງທະບຽນການຊື້ໃນ “ເວັບໄຊ” ໂດຍໃຊ້ວິທີຕໍ່ໄປນີ້ ຫຼື ຄ້າຍຄືກັນ, ແລະ “ເວັບໄຊ” ຕ້ອງສະໜອງຂໍ້ມູນຕໍ່ໄປນີ້ໃຫ້ເຂົ້າໃຈງ່າຍເມື່ອຜູ້ໃຊ້ລົງທະບຽນຊື້.
   1. ຄົ້ນຫາ ແລະ ເລືອກ “ການບໍລິການ”
   2. ການເລືອກວິທີການຊໍາລະ

ມາດຕາ 10 ການສ້າງສັນຍາ

1. ໃນກໍລະນີຂອງການສ້າງສັນຍາກັບຜູ້ຊື້ທີ່ບໍ່ທັນບັນລຸນິຕິພາວະ, "ເວັບໄຊ" ຈະແຈ້ງໃຫ້ຮູ້ກ່ອນວ່າຜູ້ຊື້ ອາດຈະຖືກຍົກເລີກສັນຍາໄດ້ ຖ້າບໍ່ໄດ້ຮັບການຍິນຍອມຈາກຜູ້ຕາງຫນ້າທາງກົດຫມາຍ ຫຼື ຜູ້ປົກຄອງກ່ອນ ແລະ ຕາມມາດຕາ 9 "ເວັບໄຊ" ອາດຈະບໍ່ຍອມຮັບຄໍາຮ້ອງຂໍຊື້ຖ້າມີຂໍ້ໃດຂໍ້ໜຶ່ງດັ່ງຕໍ່ໄປນີ້:
   1. ຖ້າມີຂໍ້ມູນທີ່ບໍ່ຖືກຕ້ອງ, ການລະເວັ້ນ, ຫຼືຄວາມຜິດພາດໃນລາຍລະອຽດຄໍາຮ້ອງສະຫມັກ.
   2. ເມື່ອຖືກປະເມີນວ່າການຍອມຮັບການຮ້ອງຂໍການຊື້ອື່ນໆຈະສ້າງຜົນເສຍຕໍ່ "ເວັບໄຊ".
2. ສັນຍາຖືຈະວ່າຖືກສ້າງ ເມື່ອມີການອະນຸມັດຈາກ "ເວັບໄຊ" ສົ່ງໄປຮອດຜູ້ໃຊ້ໃນຮູບແບບຂອງແຈ້ງການຢືນຢັນການຮັບພາຍໃຕ້ມາດຕາ 12, ວັກ 1.
3. ການສະແດງການອະນຸມັດຂອງ "ເວັບໄຊ" ຈະຕ້ອງປະກອບມີ ການຢືນຢັນການຂໍຊື້ຂອງຜູ້ໃຊ້, ຄວາມພ້ອມການຂາຍ, ຂໍ້ມູນກ່ຽວກັບການແກ້ໄຂ ຫຼື ການຍົກເລີກຄໍາຮ້ອງຊື້, ແລະ ອື່ນໆ.

ມາດຕາ 11 ວິທີການຊໍາລະເງິນ

ການຊໍາລະເງິນສໍາລັບ "ການບໍລິການ" ທີ່ຊື້ໃນ "ເວັບໄຊ" ສາມາດເຮັດໄດ້ໂດຍວິທີການທີ່ມີຢູ່ດັ່ງຕໍ່ໄປນີ້. ແນວໃດກໍ່ຕາມ, "ເວັບໄຊ" ຈະບໍ່ເກັບຄ່າທຳນຽມເພີ່ມເຕີມຕໍ່ກັບລາຄາສິນຄ້າ, ແລະອື່ນໆ.

1. ການໂອນຜ່ານບັນຊີທະນາຄານ
2. ຊໍາລະດ້ວຍເງິນສົດ
3. ຊໍາລະໂດຍວິທີການຊໍາລະເອເລັກໂຕຣນິກອື່ນໆ ແລະ ອື່ນໆ.

ມາດຕາ 12 ການຢືນຢັນການຮັບ, ການປ່ຽນແປງ ແລະ ການຍົກເລີກ ຄໍາສັ່ງຊື້

1. ເມື່ອຜູ້ໃຊ້ສົ່ງຄຳຮ້ອງຊື້, "ເວັບໄຊ" ສົ່ງໃບຮັບເງິນໃຫ້ຜູ້ໃຊ້.
2. ຖ້າມີຄວາມຄາດເຄື່ອນໃນການຕັດສິນໃຈ ເຊັ່ນ: ຜູ້ໃຊ້ທີ່ໄດ້ຮັບແຈ້ງເຕືອນຢືນຢັນການຮັບ ອາດຈະຮ້ອງຂໍໃຫ້ມີການປ່ຽນແປງ ຫຼື ຍົກເລີກຄໍາຮ້ອງຊື້ທັນທີຫຼັງຈາກໄດ້ຮັບແຈ້ງເຕືອນການຮັບ, ຖ້າມີການຮ້ອງຂໍຈາກຜູ້ໃຊ້ກ່ອນທີ່ຈະເລີ່ມຕົ້ນການບໍລິການ "ເວັບໄຊ" ຈະດໍາເນີນການໂດຍໄວ. ຢ່າງໃດກໍ່ຕາມ, ຖ້າຈ່າຍເງິນແລ້ວ, ຂໍ້ກໍານົດກ່ຽວກັບການຍົກເລີກການຈອງ, ແລະ ອື່ນໆ ຈະຖືກນໍາຕາມ ມາດຕາ 15.

ມາດຕາ 13 ການສະໜອງສິນຄ້າ ແລະ ອື່ນໆ.

1. ເວັ້ນເສຍແຕ່ວ່າມີຂໍ້ຕົກລົງແຍກຕ່າງຫາກກັບຜູ້ໃຊ້ກ່ຽວກັບໄລຍະເວລາຂອງ "ການບໍລິການ", "ເວັບໄຊ" ຈະໃຊ້ມາດຕະການທີ່ຈໍາເປັນອື່ນໆເພື່ອຮັບປະກັນວ່າຜູ້ໃຊ້ສາມາດໄດ້ຮັບ "ການບໍລິການ" ພາຍໃນ 7 ວັນນັບຈາກວັນທີ່ສະຫມັກ.
2. ຖ້າ "ເວັບໄຊ" ບໍ່ສາມາດສະໜອງ “ການບໍລິການ” ພາຍໃນກຳນົດເວລາ, “ເວັບໄຊ” ຕ້ອງຊົດເຊີຍຄວາມເສຍຫາຍໃຫ້ຜູ້ໃຊ້. ຢ່າງໃດກໍຕາມ, ຫາກວ່າ "ເວັບໄຊ" ພິສູດໄດ້ວ່າບໍ່ແມ່ນເຈດຕະນາ ຫຼື ບໍ່ມີຄວາມຕັ້ງໃຈລະເລີຍ ກໍລະນີການຊົດເຊີຍດັ່ງກ່າວຈະບໍ່ສາມາດນຳມາອ້າງໄດ້.

ມາດຕາ 14 ການຄືນເງິນ

ຖ້າ "ເວັບໄຊທ໌" ບໍ່ສາມາດສະຫນອງ "ບໍລິການ" ທີ່ຜູ້ໃຊ້ໄດ້ສະຫມັກຊື້, ຈະແຈ້ງເຫດຜົນໃຫ້ຜູ້ໃຊ້ຮູ້ ໂດຍທັນທີ, ແລະ ຖ້າໄດ້ຮັບການຊໍາລະຄ່າສິນຄ້າ, ແລະ ອື່ນໆ ລ່ວງຫນ້າ, ມີການຈະສົ່ງເງິນຄືນ ຫຼື ໃຊ້ມາດຕະການທີ່ຈໍາເປັນພາຍໃນ 3 ວັນ ນັບຕັ້ງແຕ່ມື້ທີ່ໄດ້ຮັບການຊໍາລະເງິນ.

ມາດຕາ 15 ການຍົກເລີກການຈອງ, ແລະ ອື່ນໆ.

1. ຜູ້ໃຊ້ທີ່ໄດ້ເຮັດສັນຍາການຊື້ "ການບໍລິການ" ສາມາດຖອນການຈອງໄດ້ພາຍໃນ 7 ວັນ, ແນວໃດກໍຕາມ, ການຖອນການສັນຍາ ແມ່ນຕ້ອງຂຶ້ນກັບຂໍ້ກຳນົດ ແລະ ລະບຽບການທີ່ກ່ຽວຂ້ອງ.
2. ຜູ້ໃຊ້ບໍ່ສາມາດຄືນ ຫຼື ແລກປ່ຽນຜະລິດຕະພັນຫຼັງຈາກການເລີ່ມຕົ້ນການນໍາໃຊ້ "ການບໍລິການ".

ມາດຕາ 16 ຜົນກະທົບຂອງການຍົກເລີກການຈອງ

1. ເມື່ອໄດ້ຮັບການຂໍເງິນຄືນຈາກຜູ້ໃຊ້ “ເວັບໄຊ” ຈະຄືນເງິນຈໍານວນທີ່ໄດ້ຈ່າຍມາແລ້ວພາຍໃນ 3 ວັນ.
2. "ເວັບໄຊ" ຈະຮັບຜິດຊອບຄ່າໃຊ້ຈ່າຍທີ່ຈໍາເປັນສໍາລັບການຄືນເງິນຈໍານວນຂ້າງເທິງໃຫ້ກັບຜູ້ໃຊ້. “ເວັບໄຊ” ບໍ່ໄດ້ຄິດຄ່າປັບໃໝ ຫຼື ຄ່າຊົດເຊີຍຄວາມເສຍຫາຍອັນເນື່ອງມາຈາກການຍົກເລີກການສະໝັກໃຊ້, ແລະ ອື່ນໆ.
3. ເມື່ອຜູ້ໃຊ້ໄດ້ຮັບການ “ບໍລິການ” ແລະ ອື່ນໆ, “ເວັບໄຊ” ຈະຊີ້ບອກຢ່າງຊັດເຈນວ່າໃຜຈະຮັບຜິດຊອບຄ່າໃຊ້ຈ່າຍ ໃນກໍລະນີຂອງການຍົກເລີກການຈອງເພື່ອໃຫ້ຜູ້ໃຊ້ສາມາດເຂົ້າໃຈໄດ້ງ່າຍ.

ມາດຕາ 17 ການປົກປ້ອງຂໍ້ມູນສ່ວນຕົວ

1. "ເວັບໄຊ" ຈະເກັບກຳຂໍ້ມູນສ່ວນຕົວທີ່ຈຳເປັນບາງສ່ວນຂອງຜູ້ໃຊ້ເພື່ອໃຫ້ບໍລິການ.
2. "ເວັບໄຊ" ຮຽກຮ້ອງໃຫ້ມີການຢັ້ງຢືນຕົວຕົນໃນເວລາລົງທະບຽນເປັນສະມາຊິກ ແລະ ອາດຈະເກັບກຳຂໍ້ມູນສ່ວນຕົວບາງສ່ວນທີ່ຈຳເປັນ.
3. ເມື່ອ "ເວັບໄຊ" ເກັບກຳ ແລະ ໃຊ້ຂໍ້ມູນສ່ວນຕົວຂອງຜູ້ໃຊ້ ຈະມີການແຈ້ງໃຫ້ຜູ້ໃຊ້ຮູ້ເຖິງຈຸດປະສົງ ແລະ ຂໍຄຳຍິນຍອມເຫັນດີຈາກຜູ້ໃຊ້.
4. "ເວັບໄຊ" ບໍ່ສາມາດໃຊ້ຂໍ້ມູນສ່ວນບຸກຄົນທີ່ເກັບກໍາເພື່ອຈຸດປະສົງອື່ນນອກຈາກຈຸດປະສົງທີ່ຕັ້ງໃຈໄວ້, ແລະ ເມື່ອມີຈຸດປະສົງໃຫມ່ຂອງການນໍາໃຊ້ ຫຼື ມອບໃຫ້ພາກສ່ວນທີສາມ ຈະມີການແຈ້ງໃຫ້ຜູ້ໃຊ້ຮູ້ເຖິງຈຸດປະສົງ ແລະ ຂໍຄຳຍິນຍອມເຫັນດີຈາກຜູ້ໃຊ້ ໃນຂັ້ນຕອນການນໍາໃຊ້ / ການສະຫນອງ. ຢ່າງໃດກໍຕາມ, ມີຂໍ້ຍົກເວັ້ນໃນກໍລະນີທີ່ມີຂໍ້ກຳນົດ ອື່ນທີ່ກ່ຽວຂ້ອງ.
5. ຖ້າ "ເວັບໄຊ" ຕ້ອງການຄວາມຍິນຍອມຈາກຜູ້ໃຊ້ອີງຕາມວັກ 3 ແລະ 4, ຈະຕ້ອງລະບຸຕົວຕົນຂອງບຸກຄົນທີ່ຮັບຜິດຊອບ (ສາຂາ, ຊື່ ແລະ ເບີໂທລະສັບ, ຂໍ້ມູນຕິດຕໍ່ອື່ນໆ), ຈຸດປະສົງຂອງການເກັບກໍາ ແລະ ການນໍາໃຊ້ຂໍ້ມູນ ທີ່ກ່ຽວຂ້ອງກັບການສະຫນອງຂໍ້ມູນໃຫ້ບຸກຄົນທີສາມ (ຜູ້ຮັບຂໍ້ມູນ, ຈຸດປະສົງຂອງການສະຫນອງແລະເນື້ອໃນຂອງຂໍ້ມູນທີ່ຈະສະຫນອງໃຫ້) ຈະຕ້ອງໄດ້ລະບຸໄວ້ລ່ວງຫນ້າ ແລະ ຜູ້ໃຊ້ສາມາດເພີກຖອນຄວາມຍິນຍອມໄດ້ຕະຫຼອດເວລາ.
6. ຜູ້ໃຊ້ສາມາດເບິ່ງ ແລະ ແກ້ໄຂຄວາມຜິດພາດໃນຂໍ້ມູນສ່ວນຕົວຂອງຕົນເອງໄດ້ທຸກເວລາ, ແລະ "ເວັບໄຊ" ຈະຕອບສະໜອງໂດຍທັນທີ. ຖ້າຜູ້ໃຊ້ຮ້ອງຂໍການແກ້ໄຂຂໍ້ຜິດພາດ "ເວັບໄຊທ໌" ຈະບໍ່ໃຊ້ຂໍ້ມູນດັ່ງຈົນກ່ວາຄວາມຜິດພາດຈະຖືກແກ້ໄຂ.
7. ເພື່ອປົກປ້ອງຂໍ້ມູນສ່ວນຕົວ, "ເວັບໄຊ" ຕ້ອງຈໍາກັດຈໍານວນຜູ້ທີ່ຈັດການກັບຂໍ້ມູນສ່ວນຕົວຂອງຜູ້ໃຊ້ໃຫ້ຫນ້ອຍທີ່ສຸດ ແລະ ຈະຕ້ອງຮັບຜິດຊອບຢ່າງເຕັມສ່ວນຕໍ່ຄວາມເສຍຫາຍທີ່ຜູ້ໃຊ້ໄດ້ຮັບ ເຊັ່ນ: ການໂຈນລະກຳຂໍ້ມູນ, ການຮົ່ວໄຫຼ, ການສະຫນອງຂໍ້ມູນໃຫ້ແກ່ພາກສ່ວນທີສາມໂດຍບໍ່ມີການຍິນຍອມ, ການປ່ຽນແປງ ຂໍ້ມູນສ່ວນບຸກຄົນຂອງຜູ້ໃຊ້ລວມທັງ ຂໍ້ມູນບັດເຄຣດິດ ແລະ ບັນຊີທະນາຄານ.
8. ເມື່ອຈຸດປະສົງຂອງການເກັບກໍາ ຫຼື ການສະຫນອງຂໍ້ມູນສ່ວນບຸກຄົນບັນລຸຜົນແລ້ວ "ເວັບໄຊ" ຫຼື ພາກສ່ວນທີສາມຈະທໍາລາຍຂໍ້ມູນສ່ວນບຸກຄົນຂອງຜູ້ໃຊ້ໂດຍທັນທີເພື່ອປ້ອງກັນຄວາມເສຍຫາຍທີ່ອາດຈະເກີດຂຶ້ນ.
9. "ເວັບໄຊ" ຈະບໍ່ມີການຍິນຍອມລ່ວງໜ້າກ່ຽວກັບການເກັບກຳ, ການນຳໃຊ້, ແລະ ການສະໜອງຂໍ້ມູນສ່ວນຕົວ. ນອກຈາກນັ້ນ, ຍັງລະບຸການບໍລິການທີ່ຖືກຈໍາກັດໄວ້ເປັນພິເສດເມື່ອຜູ້ໃຊ້ປະຕິເສດການຍິນຍອມທີ່ຈະເກັບກໍາ, ການນໍາໃຊ້ ແລະ ການສະຫນອງຂໍ້ມູນສ່ວນຕົວ, ແລະ “ເວັບໄຊ” ບໍ່ໄດ້ຈໍາກັດ ຫຼື ປະຕິເສດການບໍລິການ ເຊັ່ນ: ການລົງທະບຽນສະມາຊິກເນື່ອງຈາກຜູ້ໃຊ້ປະຕິເສດການຍິນຍອມທີ່ຈະເກັບກໍາ, ການນໍາໃຊ້ ແລະ ການສະຫນອງຂໍ້ມູນສ່ວນບຸກຄົນທີ່ບໍ່ຈໍາເປັນຕ້ອງເກັບກໍາ.

ມາດຕາ 18 ພັນທະຂອງ “ເວັບໄຊ”

1. "ເວັບໄຊ" ຈະບໍ່ດໍາເນີນການໃດໆທີ່ລະເມີດກົດຫມາຍ ຫຼື ຂໍ້ກໍານົດ ແລະ ເງື່ອນໄຂ ຫຼື ຫຼັກສິນທໍາ, ແລະ ຈະເຮັດໜ້າທີ່ໃຫ້ດີທີ່ສຸດເພື່ອສະຫນອງສິນຄ້າ ແລະ ການບໍລິການຢ່າງຕໍ່ເນື່ອງ ແລະ ຫມັ້ນຄົງຕາມ ຂໍ້ກໍານົດ ແລະ ເງື່ອນໄຂທີ່ໄດ້ກຳນົດໄວ້.
2. "ເວັບໄຊ" ຕ້ອງມີລະບົບຄວາມປອດໄພເພື່ອປົກປ້ອງຂໍ້ມູນສ່ວນຕົວຂອງຜູ້ໃຊ້ (ລວມທັງຂໍ້ມູນບັດເຄດິດ) ເພື່ອໃຫ້ຜູ້ໃຊ້ສາມາດໃຊ້ບໍລິການອິນເຕີເນັດໄດ້ຢ່າງປອດໄພ.

ມາດຕາ 19 ພັນທະກ່ຽວກັບເລກສະມາຊິກ ແລະ ລະຫັດຜ່ານ

1. ສະມາຊິກຮັບຜິດຊອບໃນການຮັກສາ ID (ເລກສະມາຊິກ) ແລະ ລະຫັດຜ່ານຂອງຕົນເອງ ຍົກເວັ້ນກໍລະນີຂອງມາດຕາ 17.
2. ຫ້າມໃຫ້ບຸກຄົນອື່ນໃຊ້ ID ແລະ ລະຫັດຜ່ານຂອງຕົນ.
3. ຖ້າສະມາຊິກຮູ້ວ່າ ID ແລະ ລະຫັດຜ່ານຂອງລາວຖືກລັກ ຫຼື ຖືກໃຊ້ໂດຍບຸກຄົນອື່ນ, ຜູ້ໃຊ້ ຕ້ອງແຈ້ງໃຫ້ "ເວັບໄຊ" ຮູ້ ແລະ ປະຕິບັດຕາມຄໍາແນະນໍາຂອງ “ເວັບໄຊ” ທັນທີ.

ມາດຕາ 20 ພັນທະຂອງຜູ້ໃຊ້

ສິ່ງທີ່ຜູ້ໃຊ້ບໍ່ຄວນປະຕິບັດ :

1. ການໃສ່ຂໍ້ມູນການລົງທະບຽນບໍ່ຖືກຕ້ອງໃນເວລາທີ່ສະຫມັກ ຫຼື ການປ່ຽນແປງ
2. ການລັກຂໍ້ມູນຂອງຄົນອື່ນ
3. ການປ່ຽນແປງຂໍ້ມູນທີ່ລົງໃນ "ເວັບໄຊ"
4. ການສົ່ງ ຫຼື ການລົງຂໍ້ມູນຂ່າວສານ (ໂປຣແກຣມຄອມພິວເຕີ, ແລະ ອື່ນໆ) ນອກເຫນືອໄປຈາກທີ່ລະບຸໄວ້ໃນ "ເວັບໄຊ"
5. ການລະເມີດຊັບສິນທາງປັນຍາ ເຊັ່ນ: ລິຂະສິດຂອງ "ເວັບໄຊ" ແລະ ພາກສ່ວນອື່ນໆ.
6. ການກະທໍາທີ່ສ້າງຄວາມເສຍຫາຍຕໍ່ຊື່ສຽງ ຫຼື ແຊກແຊງທຸລະກິດຂອງ "ເວັບໄຊ" ຫຼື ພາກສ່ວນອື່ນໆ.
7. ການເປີດເຜີຍ ຫຼື ການໂພສໃນເວັບໄຊຂໍ້ຄວາມ, ວິດີໂອ, ສຽງ, ຫຼື ຂໍ້ມູນອື່ນໆທີ່ມີີຄວາມຮຸນແຮງ ແລະ ຂັດກັບຫຼັກສິນທໍາຂອງສັງຄົມ.

ມາດຕາ 21 ການອ້າງລິຂະສິດ ແລະ ຂໍ້ຈໍາກັດການນໍາໃຊ້

1. ຜົນງານທີ່ສ້າງໂດຍ “ເວັບໄຊ” ຈະເປັນ ລິຂະສິດ ແລະ ສິດຊັບສິນທາງປັນຍາຂອງ “ເວັບໄຊ”.
2. ຜູ້ໃຊ້ຫ້າມນຳເອົາຜົນງານທີ່ເປັນສິດຊັບສິນທາງປັນຍາເປັນຂອງ "ເວັບໄຊ" ໄປໃຊ້ເອງ ຫຼື ອະນຸຍາດໃຫ້ບຸກຄົນອື່ນນຳໃຊ້ ເພື່ອຈຸດປະສົງທາງການຄ້າ ໂດຍການສຳເນົາ, ສົ່ງຕໍ່, ເຜີຍແຜ່, ແຈກຢາຍ, ກະຈາຍສຽງ ຫຼື ວິທີການອື່ນໆ ໂດຍບໍ່ມີການຍິນຍອມຈາກ "ເວັບໄຊ" ກ່ອນ.
3. ຖ້າ "ເວັບໄຊ" ໃຊ້ລິຂະສິດທີ່ເປັນຂອງຜູ້ໃຊ້ ຕາມຂໍ້ຕົກລົງຈະຕ້ອງແຈ້ງໃຫ້ຜູ້ໃຊ້ຮູ້.

ວັນທີ່ບັງຄັບໃຊ້ບົດບັນຍັດເພີ່ມເຕີມ, ແລະ ອື່ນໆ.

1. ເງື່ອນໄຂເຫຼົ່ານີ້ມີຜົນຕັ້ງແຕ່ ວັນທີ 1 ເມສາ 2025.